"Liverpul" "Benfika" hujumchisi Darvin Nunyes uchun rekord summa to‘lashga tayyor.
Record xabariga ko‘ra, ingliz klubi 22 yoshli futbolchi uchun 100 million yevro taklif qilgan. Agar "Benfika" rozi bo‘lsa, urugvaylik "Liverpul" tarixidagi eng yirik transfer bo‘ladi.
"Qizillar" bosh murabbiyi Yurgen Klopp Darvinning o‘yinidan hayratda qolgani tufayli bu kelishuv amalga oshishi mumkin.
Nunyes "Benfika"ga "Liverpul"ga o‘tishni istayotganini allaqachon aytgan.
Urugvaylik forvard o‘tgan mavsumda "Benfika" safida 41 o‘yinda 34 ta gol urdi va 4 ta golli uzatmani amalga oshirdi.