Мадриднинг "Реал" клуби билан шартномаси якунига етаётган уэльслик ҳужумчи Гарет Бэйл фаолиятини "Хетафе"да давом эттириши мумкин. Жамоа президенти Анхель Торрес бу маълумотни тасдиқлади.
"Биз Гаретнинг агенти билан 45 дақиқа олдин гаплашдик. Унинг трансфери имкониятларини ўрганиб чиқамиз", - деди "Хетафе" президенти.
Аввалроқ 32 ёшли Бэйл учун курашда "Кардифф" етакчилиги ҳақида хабарлар чиққан эди.