Аргентина терма жамоаси вингери Анхель ди Мария «ПСЖ»ни тарк этиши ҳақидаги фикрлари билан ўртоқлашди.
«Январь ойида клубга қолишни хоҳлаётганимни айтдим, лекин улар менга кутишимни айтишди. Балки «Реал»дан мағлуб бўлиш ва ундан кейинги барча тартибсизликлар менга қарши ишлагандир.
Стадион ташқарисида «ПСЖ» мухлисларининг меҳрини қозониш қийин. Базадан чиққанимда мухлислар менинг исмимни қандай куйлашганини эслайман, Париж кўчаларида менинг суратим туширилган кўплаб граффитилар эсимда қолади», — дейди аргентиналик.
