"Интер" ҳимоячилари Алессандро Бастони ва Милан Шкриньярнинг агентлари "нерадзуррилар"нинг офисига этиб келишди, деб хабар беради Sky Sports Italia.

Манбанинг хабарига кўра, улар футболчиларни трансфер қилиш имкониятларини муҳокама қилишади.

Аввалроқ ҳар икки футболчига "Манчестер Юнайтед", "Тоттенхэм", "Челси" ва "ПСЖ" клублари қизиқаётгани ҳақида хабарлар тарқалган эди.

Шкриньярнинг шартномаси келаси ёзда тугайди. 27 ёшли словакиялик "Челси" ҳужумчиси Ромелу Лукакуни "Интер"га қайтариш бўйича келишувга қўшилиши мумкин.

Бастони билан келишув 2024 йил июнь ойида якунланади. 23 ёшли италиялик футболчи аввалроқ “Интер”да қолишга қарши эмаслигини айтганди.