"Inter" himoyachilari Alessandro Bastoni va Milan Shkrinyarning agentlari "neradzurrilar"ning ofisiga etib kelishdi, deb xabar beradi Sky Sports Italia.
Manbaning xabariga ko‘ra, ular futbolchilarni transfer qilish imkoniyatlarini muhokama qilishadi.
Avvalroq har ikki futbolchiga "Manchester Yunayted", "Tottenxem", "Chelsi" va "PSJ" klublari qiziqayotgani haqida xabarlar tarqalgan edi.
Shkrinyarning shartnomasi kelasi yozda tugaydi. 27 yoshli slovakiyalik "Chelsi" hujumchisi Romelu Lukakuni "Inter"ga qaytarish bo‘yicha kelishuvga qo‘shilishi mumkin.
Bastoni bilan kelishuv 2024 yil iyun oyida yakunlanadi. 23 yoshli italiyalik futbolchi avvalroq “Inter”da qolishga qarshi emasligini aytgandi.