Германия терма жамоаси ва Мадриднинг "Реал" клуби ярим ҳимоячиси Месут Ўзил Евро-2012 ҳақида ўз фикрини билдириб ўтди.
"Чемпионат олдидан кайфиятим аъло даражада. Бизнинг асосий мақсад бош совринни қўлга киритиш. Бу мақсадга етиш учун яхши тайёргарлик кўряпмиз.
2008 йил Германия Европа чемпионатида иккинчи ўринни қўлга киритган. 2010 йилги Жаҳон чемпионатида эса бронза медаллар билан кифояланишга мажбур бўлганмиз. Агар яна бош совринни қўлга кирита олмасак, жуда ҳам афсусланаман. Якунда чемпионликка эришишимизга ишонаман",-дейди Ўзил