Хабарингиз бор, эртага Ўзбекистон олимпия терма жамоаси U-23 Осиё кубоги чорак финал баҳсида Ироқ вакиллари билан баҳс олиб боради. Мазкур учрашув «Пахтакор» стадионида соат 21:00 да старт олади.

Ушбу ўйинга ташриф буюрмоқчи бўлган футбол ишқибозлари учун «Пахтакор» стадионига яқин қуйидаги ҳудудларда ўйин чипталари 18:00 дан бошлаб волонтёрлар томонидан тақдим этилади:

1. Ботир Зокиров кўчасида жойлашган «Пахтакор» метро бекати ва МТРК биноси яқинида;

2. Ислом Каримов кўчасида жойлашган «Пахтакор» клуби дўкони яқинида;

3. Алишер Навоий кўчасида жойлашган Алишер Навоий номидаги (Панорама) кинотеатр яқинида.

Шунингдек, мазкур учрашувни ўз нашрларида ёритадиган ОАВ вакиллари стадионларга қуйидаги йўналиш бўйлаб киришлари сўралади:

Мухбирлар — Алишер Навоий кўчасида жойлашган Алишер Навоий номидаги кинотеатр ёнидаги кириш орқали;

Фотомухбирлар — Ислом Каримов кўчасида жойлашган «Пахтакор» клуби дўкони ёнидаги кириш орқали.