Xabaringiz bor, ertaga O‘zbekiston olimpiya terma jamoasi U-23 Osiyo kubogi chorak final bahsida Iroq vakillari bilan bahs olib boradi. Mazkur uchrashuv «Paxtakor» stadionida soat 21:00 da start oladi.

Ushbu o‘yinga tashrif buyurmoqchi bo‘lgan futbol ishqibozlari uchun «Paxtakor» stadioniga yaqin quyidagi hududlarda o‘yin chiptalari 18:00 dan boshlab volontyorlar tomonidan taqdim etiladi:

1. Botir Zokirov ko‘chasida joylashgan «Paxtakor» metro bekati va MTRK binosi yaqinida;

2. Islom Karimov ko‘chasida joylashgan «Paxtakor» klubi do‘koni yaqinida;

3. Alisher Navoiy ko‘chasida joylashgan Alisher Navoiy nomidagi (Panorama) kinoteatr yaqinida.

Shuningdek, mazkur uchrashuvni o‘z nashrlarida yoritadigan OAV vakillari stadionlarga quyidagi yo‘nalish bo‘ylab kirishlari so‘raladi:

Muxbirlar — Alisher Navoiy ko‘chasida joylashgan Alisher Navoiy nomidagi kinoteatr yonidagi kirish orqali;

Fotomuxbirlar — Islom Karimov ko‘chasida joylashgan «Paxtakor» klubi do‘koni yonidagi kirish orqali.