"ПСЖ" "Интер" ҳимоячиси Милан Шкриньярга қизиқиш билдирмоқда. RMC Sport хабарига кўра, 27 ёшли словакияликнинг ўзи Париж клубига ўтишга қизиқмоқда.
Милан клуби парижликларнинг 50 миллион евролик биринчи таклифини рад этди. "Интер" ҳимоячи учун 80 миллион олмоқчи, аммо музокараларга тайёр.
Олдинроқ итальян клуби Шкриньярга 2026 йилгача мўлжалланган янги шартнома таклиф қилгани хабар қилинганди. Бунда футболчининг маоши бонусларни ҳисобга олмаганда мавсум учун 4,5 миллион еврони ташкил қилади.
2021/22 йилги мавсумда словакиялик жамоа сафида 48 та ўйинда майдонга тушиб, 4 та гол уришга муваффақ бўлди. Ҳимоячининг клуб билан амалдаги шартномаси 2023 йилнинг июнь ойи охиригача амал қилади.
