"PSJ" "Inter" himoyachisi Milan Shkrinyarga qiziqish bildirmoqda. RMC Sport xabariga ko‘ra, 27 yoshli slovakiyalikning o‘zi Parij klubiga o‘tishga qiziqmoqda.
Milan klubi parijliklarning 50 million yevrolik birinchi taklifini rad etdi. "Inter" himoyachi uchun 80 million olmoqchi, ammo muzokaralarga tayyor.
Oldinroq italyan klubi Shkrinyarga 2026 yilgacha mo‘ljallangan yangi shartnoma taklif qilgani xabar qilingandi. Bunda futbolchining maoshi bonuslarni hisobga olmaganda mavsum uchun 4,5 million yevroni tashkil qiladi.
2021/22 yilgi mavsumda slovakiyalik jamoa safida 48 ta o‘yinda maydonga tushib, 4 ta gol urishga muvaffaq bo‘ldi. Himoyachining klub bilan amaldagi shartnomasi 2023 yilning iyun oyi oxirigacha amal qiladi.
