Англиянинг "Манчестер Сити" клуби яримҳимоячиси Давид Сильва Испания терма жамоаси бош мураббийи Висенте Дель Боскега миннатдорчилик билдирди.
Гап шундаки, испан матбуотига берган интервьюларидан бирида дель Боске Сильвага "Испан Мессиси" деб таъриф берганди.
"Дель Боскенинг мени "Испан Месси"си деб атаганидан фахрландим. Бу сўзлари учун жамоамиз бош мураббийидан миннатдорман. Месси дунёнинг энг кучли футболчиси саналади. Дель Боскенинг бу гапи мени руҳлантиради ва ўз устимда ишлашимга ёрдам беради".
"Мен ўз ўйин услубимни сақлаб қолишга ва терма жамоага тезда мослашишга ҳаракат қиламан. Қандай бўлмасин, терма жамоанинг ютуқларига ўз ҳиссамни қўшишни истайман", дейди футболчи.