"Аякс" ярим ҳимоячиси Раян Гравенберх "Бавария"га ўтишни якунлаш учун Мюнхенга учиб кетди, деб хабар беради Bild.
"Бавария" катта клуб, ўйлайманки, бундай жамоа билан жиддий совринларни қўлга киритиш керак ва мен шуни кутяпман. Ҳозир Мюнхенда эканлигимдан хурсандман", - дея Гравенберх сўзларидан иқтибос келтиради Bild.
Немис нашрининг ёзишича, футболчининг трансфери “Бавария”га 18 миллион еврога тушади, келишув 5,5 миллион евро миқдоридаги эҳтимолий бонус тўловларини назарда тутади. Шунингдек, "Аякс" ярим ҳимоячига бўлган 7,5 фоиз ҳуқуқни ўзида сақлаб қолди.
