"Манчестер Сити" ҳужумчиси Габриэл Жезус "Арсенал"га ўтиши мумкин. Журналист Руди Галеттининг хабар беришича, 25 ёшли бразилиялик учун курашда Лондон клуби фаворит ҳисобланади.
Келаси ҳафта клублар янги йиғилиш ўтказиб, потенциал келишув тафсилотларини муҳокама қилади.
"Манчестер Сити" ҳужумчиси "Арсенал" билан шахсий шартноманинг барча шартларини келишиб олди.
Жорий мавсумда футболчи “Манчестер Сити” сафида 41 та ўйинда майдонга тушиб, 13 та гол урди ва 12 та голли узатмани амалга оширди.
Унинг шартномаси 2023 йилнинг июнигача амал қилади. Transfermarkt портали ҳужумчини 50 миллион еврога баҳоламоқда.