"Manchester Siti" hujumchisi Gabriel Jezus "Arsenal"ga o‘tishi mumkin. Jurnalist Rudi Galettining xabar berishicha, 25 yoshli braziliyalik uchun kurashda London klubi favorit hisoblanadi.
Kelasi hafta klublar yangi yig‘ilish o‘tkazib, potensial kelishuv tafsilotlarini muhokama qiladi.
"Manchester Siti" hujumchisi "Arsenal" bilan shaxsiy shartnomaning barcha shartlarini kelishib oldi.
Joriy mavsumda futbolchi “Manchester Siti” safida 41 ta o‘yinda maydonga tushib, 13 ta gol urdi va 12 ta golli uzatmani amalga oshirdi.
Uning shartnomasi 2023 yilning iyunigacha amal qiladi. Transfermarkt portali hujumchini 50 million yevroga baholamoqda.













