"Ливерпуль" ёзги трансфер ойнасида ярим ҳимоячи Такуми Минаминони сотмоқчи. The Times хабарига кўра, 27 ёшли япониялик футболчига асосий даъвогар "Монако" бўлиб турибди.
Минамино ўтган мавсумда "Ливерпуль" сафида 24 та ўйинда майдонга тушиб, 10 та гол урди ва 1 та голли узатмани амалга оширди. Ярим ҳимоячининг инглиз клуби билан шартномаси 2024 йилнинг 30 июнига қадар мўлжалланган.
"Қизиллар" япониялик футболчини 2020 йилнинг январида "Зальцбург"дан 12,5 миллион евро эвазига сотиб олганди. Эндиликда клуб 27 ёшли футболчини 20 миллион еврога баҳоламоқда.