"Liverpul" yozgi transfer oynasida yarim himoyachi Takumi Minaminoni sotmoqchi. The Times xabariga ko‘ra, 27 yoshli yaponiyalik futbolchiga asosiy da’vogar "Monako" bo‘lib turibdi.
Minamino o‘tgan mavsumda "Liverpul" safida 24 ta o‘yinda maydonga tushib, 10 ta gol urdi va 1 ta golli uzatmani amalga oshirdi. Yarim himoyachining ingliz klubi bilan shartnomasi 2024 yilning 30 iyuniga qadar mo‘ljallangan.
"Qizillar" yaponiyalik futbolchini 2020 yilning yanvarida "Zalsburg"dan 12,5 million yevro evaziga sotib olgandi. Endilikda klub 27 yoshli futbolchini 20 million yevroga baholamoqda.