Ҳимоячи Фикайо Томори “Милан” билан янги шартнома борасида музокаралар олиб бормоқда, деб хабар беради Milannews. Шартномани қисқа муддатда якунлаш режалаштирилган.
Манбага кўра, футболчини жамоада олиб қолиш Италия клубининг устувор мақсади ҳисобланади.
Амалдаги шартнома 3 йилдан кейин тугайди ва клуб шартномани яхшиланган шартлар асосида янгиламоқчи.
Олдинроқ 24 ёшли футболчининг маоши оширилиши ҳақида хабар берилганди. Янги келишувга кўра, у йилига 3,5 миллион евро олади.
Томори ўтган мавсумда А серияда 31 та ўйинда майдонга тушди.
