Канаданинг Квебек шаҳрида бўлиб ўтган Халқаро олимпия қўмитасининг йиғилишида 2020 йилги ёзги олимпиада ўйинига мезбонлиқ қилувчи номзод шаҳарлар номи эълон қилинди.

Бешта номзод шаҳарлар рўйхатидан Озарбойжон пойтахти Боку шаҳри ва Қатар пойтахти Доҳани чиқариб ташлашди. ХОҚ фикрича, Боку юқори даражали спорт мусобақаларини ташкиллаштириш учун етарли тажрибага эга эмас, Қатардаги иқлим шароитлари эса ёзги олимпиадани ўтказиш учун тўсқинлик қилади.

Шундай қилиб, Олимпиада-2020 учун Истанбул, Токио ва Мадрид шаҳарлари кураш олиб боришади. Якуний қарор 2013 йилнинг 7 сентябрида Аргентинанинг Буэнос-Айрес шаҳрида чиқарилади.