Сречко Катанец қўл остидаги Ўзбекистон миллий терма жамоаси сўнгги тур ўйинини ўтказмасидан 2023 йилги Осиё Кубогига йўлланмани қўлга киритди.
Саралаш босқичи регламентига кўра, олтита гуруҳда биринчи ўринни қўлга киритган жамоалар ва энг яхши бешта иккинчи ўрин эгаси мусобақага йўлланмани қўлга киритади.
4 очкога эга Филиппин B гуруҳидаги сўнгги тур ўйинида Фаластинга ютқазиб қўйди (0:4). Шу тариқа ушбу гуруҳдаги энг яхши иккинчи ўрин эгаси максимум 4 очко билан кифояланадиган бўлди.
Бундан келиб чиқадики, олти очко тўплаган барча иккинчи ўрин эгалари, шу жумладан, C гуруҳидаги Ўзбекистон ва Таиланд терма жамоалари Осиё Кубогига йўл олади. Шунингдек, Тожикистон, Қирғизистон, Ҳиндистон ва Гонконг ҳам муддатидан аввал Осиё Кубоги йўлланмасига эга чиқди.
Ўзбекистон ва Таиланд терма жамоалари ўртасидаги баҳс 14 июнь куни 20:30 да старт олади.
