"Бавария" ҳужумчиси Роберт Левандовски "ПСЖ"га ўтишдан бош тортди, деб хабар беради Daily Mail.
Манбага кўра, 33 ёшли польшалик Париж клубидан фойдали таклиф олган, бироқ “Барселона”га ўтиш учун уни рад этган.
Шу билан бирга, каталонияликлар ҳужумчини қўлга кирита оладими ёки йўқми, бу аниқ эмас, чунки клубда трансферлар учун катта маблағ сарфлашга имкон бермайдиган молиявий чекловлар мавжуд.
Қайд этилишича, 16 июнь, пайшанба куни "кўк-анорранглилар" ўйинчиларни маошларининг бир қисмидан яна бир бор воз кечишга кўндириш вариантини муҳокама қилиш учун кенгаш йиғади.
Ўтган мавсумда Левандовски "Бавария" сафида барча мусобақаларда 47 ўйинда 50 та гол урди ва 7 та голли узатмани амалга оширди. Унинг Мюнхен клуби билан шартномаси 2023 йилнинг 30 июнига қадар амал қилади.
