"Bavariya" hujumchisi Robert Levandovski "PSJ"ga o‘tishdan bosh tortdi, deb xabar beradi Daily Mail.

Manbaga ko‘ra, 33 yoshli polshalik Parij klubidan foydali taklif olgan, biroq “Barselona”ga o‘tish uchun uni rad etgan.

Shu bilan birga, kataloniyaliklar hujumchini qo‘lga kirita oladimi yoki yo‘qmi, bu aniq emas, chunki klubda transferlar uchun katta mablag‘ sarflashga imkon bermaydigan moliyaviy cheklovlar mavjud.

Qayd etilishicha, 16 iyun, payshanba kuni "ko‘k-anorranglilar" o‘yinchilarni maoshlarining bir qismidan yana bir bor voz kechishga ko‘ndirish variantini muhokama qilish uchun kengash yig‘adi.

O‘tgan mavsumda Levandovski "Bavariya" safida barcha musobaqalarda 47 o‘yinda 50 ta gol urdi va 7 ta golli uzatmani amalga oshirdi. Uning Myunxen klubi bilan shartnomasi 2023 yilning 30 iyuniga qadar amal qiladi.