"Бенфика"дан "Ливерпуль" сафига ўтган ҳужумчи Дарвин Нуньес бир қанча вақт илгари "Реал" билан шартнома имзолаши мумкин эди.
Инсайдер Фабрицио Романонинг сўзларига кўра, уругвайлик футболчини Мадрид клуби бир ой олдин трансфер вариантларидан бири сифатида кўриб чиққан, бироқ кейинчалик Нуньеснинг номзодини рад этишга қарор қилинган, чунки у Европа иттифоқи давлатларидан бирининг фуқаролигига эга эмас.
Ла Лига регламентига кўра, ҳар бир жамоада Европа Иттифоқи фуқароси бўлмаган учтадан кўп бўлмаган футболчи бўлиши мумкин. "Реал Мадрид"да Винисиус Жуниор, Эдер Милитао ва Родригода Европа Иттифоқи паспорти йўқ.
