Мадриднинг “Атлетико” клуби ҳужумчиси Луис Суарес фаолиятини “Ривер Плейт”да давом эттиради. Бу ҳақда Radio Miter хабар бермоқда.
Қайд этилишича, уругвайлик футболчи Аргентина клуби билан келишувга эришган. Ҳужумчи якуний тафсилотларни ҳал қилиш учун дам олиш кунлари Буенос-Айресга боради ва бироздан кейин трансфер расман эълон қилинади. У "Атлетико"ни эркин агент сифатида тарк этади.
Суарес ўтган мавсумда "Атлетико" сафида Ла Лигада 35 ўйинда майдонга тушиб, 11 гол ва 2 голга ассистентлик қилган.