Madridning “Atletiko” klubi hujumchisi Luis Suares faoliyatini “River Pleyt”da davom ettiradi. Bu haqda Radio Miter xabar bermoqda.
Qayd etilishicha, urugvaylik futbolchi Argentina klubi bilan kelishuvga erishgan. Hujumchi yakuniy tafsilotlarni hal qilish uchun dam olish kunlari Buyenos-Ayresga boradi va birozdan keyin transfer rasman e’lon qilinadi. U "Atletiko"ni erkin agent sifatida tark etadi.
Suares o‘tgan mavsumda "Atletiko" safida La Ligada 35 o‘yinda maydonga tushib, 11 gol va 2 golga assistentlik qilgan.













