“Лацио” ярим ҳимоячиси Сергей Милинкович-Савич фаолиятини Англияда давом эттириши мумкин. Футболчига "Челси" даъвогарлик қилмоқда, деб хабар беради Correira Dello Sport.
Шунингдек, 27 ёшли сербга "Арсенал" ва "Ньюкасл" ҳам қизиқиш билдирмоқда.
Милинкович-Савич ўтган мавсумда "Лацио" таркибида 47 та ўйинда майдонга тушиб, 11 та гол ва 12 та голли узатмани амалга оширган.
Унинг "Лацио" билан шартномаси 2024 йилнинг ёзида якунига етади. Transfermarkt портали футболчининг нархини 70 миллион еврога баҳоламоқда.