"Челси" ҳужумчиси Фернандо Торрес Испания терма жамоаси таркибига киритилганлигини шарҳлаб ўтди.
"Ўйлашимча, терма жамоадаги жойимга муносиб ўйин кўрсатдим. Англия Кубогида ҳам, Чемпионлар лигасида ҳам яхши ўйнадим. Бу мавсум мен учун унчалик ёмон кечмади. Бунинг устига "Челси" раҳбарияти менга ишонмоқда.
Мен ҳозир жисмоний жиҳатдан аъло даражада тайёрман. Жамоада ўйиним яхши чиқишига ва фойда келтиришига ишонаман. Жамоа учун ўйнайман.
Терма жамоамиз Пуйоль ва Вильядан айрилгани ачинарли. Бу жуда сезиларли йўқотиш, чунки бу йигитлар жамоа етакчиларидир", - дея Торреснинг сўзларини келтиради Marca.