"Барселона" ҳужумчиси Усмон Дембеле фаолиятини "Челси"да давом эттиришга рози бўлди, аммо маълум шартлар асосида.
Журналист Энди Диллоннинг ёзишича, франциялик футболчи Лондон клубига ўтишга тайёр. Бироқ футболчи “кўклар” бош мураббийи Томас Тухелдан асосий таркибдаги ўрнини кафолатлашни талаб қилди. Ҳужумчи "Челси"да имкон қадар кўпроқ ўйин ўтказмоқчи.
2021/22 йилги мавсумда 25 ёшли футболчи каталонияликлар сафида барча мусобақаларда 32 та ўйинда майдонга тушиб, 2 та гол урди ва 13 та голли узатмани амалга оширди. Унинг "Барса" билан шартномаси шу ёзда тугайди.
