"Barselona" hujumchisi Usmon Dembele faoliyatini "Chelsi"da davom ettirishga rozi bo‘ldi, ammo ma’lum shartlar asosida.

Jurnalist Endi Dillonning yozishicha, fransiyalik futbolchi London klubiga o‘tishga tayyor. Biroq futbolchi “ko‘klar” bosh murabbiyi Tomas Tuxeldan asosiy tarkibdagi o‘rnini kafolatlashni talab qildi. Hujumchi "Chelsi"da imkon qadar ko‘proq o‘yin o‘tkazmoqchi.

2021/22 yilgi mavsumda 25 yoshli futbolchi kataloniyaliklar safida barcha musobaqalarda 32 ta o‘yinda maydonga tushib, 2 ta gol urdi va 13 ta golli uzatmani amalga oshirdi. Uning "Barsa" bilan shartnomasi shu yozda tugaydi.