"Барселона" "Лидс" ҳужумчиси Рафиньяни ўз сафига қўшиб олмоқчи, дея хабар беради журналист Фабрицио Романо.
Манба берган хабарга кўра, каталонияликлар 25 ёшли бразилиялик футболчининг трансфери борасида футболчининг агенти Деко билан келишувга эришган, бироқ инглиз клуби футболчи учун 55 миллион евро олмоқчи. "Барселона" ҳали бу суммани тўлашга тайёр эмас.
Рафиньяга Премьер-лиганинг бир қанча клублари ҳам қизиқиш билдирмоқда, жумладан, "Арсенал" ҳам, аммо уларнинг ҳеч бири ҳозирча расмий таклиф билан чиққани йўқ.
2021/22-йилги мавсумда вингер “Лидс” сафида 36 та ўйинда майдонга тушиб, 11 та гол урди ва 3 та голли узатмани амалга оширди. Transfermarkt.com портали ҳужумчининг нархини 45 миллион еврога баҳоламоқда.
