"Barselona" "Lids" hujumchisi Rafinyani o‘z safiga qo‘shib olmoqchi, deya xabar beradi jurnalist Fabrisio Romano.

Manba bergan xabarga ko‘ra, kataloniyaliklar 25 yoshli braziliyalik futbolchining transferi borasida futbolchining agenti Deko bilan kelishuvga erishgan, biroq ingliz klubi futbolchi uchun 55 million yevro olmoqchi. "Barselona" hali bu summani to‘lashga tayyor emas.

Rafinyaga Premyer-liganing bir qancha klublari ham qiziqish bildirmoqda, jumladan, "Arsenal" ham, ammo ularning hech biri hozircha rasmiy taklif bilan chiqqani yo‘q.

2021/22-yilgi mavsumda vinger “Lids” safida 36 ta o‘yinda maydonga tushib, 11 ta gol urdi va 3 ta golli uzatmani amalga oshirdi. Transfermarkt.com portali hujumchining narxini 45 million yevroga baholamoqda.