"Манчестер Сити" ҳимоячиси Александр Зинченко жамоадан кетиши мумкин.
Daily Mail хабарига кўра, 25 ёшли украиналик ҳимоячига "Арсенал", "Эвертон" ва "Вест Хэм" клублари қизиқиш билдирмоқда.
Манчестер клуби футболчи билан хайрлашишга қарши эмас. Ушбу трансфер ёзги трансфер ойнаси вақтида амалга ошиши мумкин.
Зинченконинг "Манчестер Сити" билан шартномаси 2024 йилнинг ёзига қадар амал қилади. Ўтган мавсумда у "шаҳарликлар" сафида барча мусобақаларда 28 та ўйин ўтказиб, 5 та голли узатмани амалга оширган.