"Ювентус" "Рома" футболчиси Николо Дзаньолони ўз сафига қўшиб олмоқчи. Турин клуби римликларга ўз ярим ҳимоячиси Артур + пул таклиф қилиши мумкин. Бу ҳақда Tuttosport нашри хабар бермоқда.
22 ёшли Николонинг "жаллоросси" билан амалдаги шартномаси 2024 йилда якунига етади. Футболчига "Ювентус"дан ташқари "Милан" ҳам қизиқиш билдирмоқда. Бироқ маълумотларга кўра, ҳар икки клуб ҳам 60 миллион евролик трансфер нархини тушириш учун шартномага ўйинчини киритиши керак бўлади.
Манбага кўра, римликлар бош мураббийи Жозе Моуриньо Артурнинг ашаддий мухлиси ва "Рома" футболчини сотиб олиш ҳақида ўйлаши мумкин.
