"Барселона" ярим ҳимоячиси Френки де Йонг фаолиятини "Манчестер Юнайтед"да давом эттириши мумкин, дея хабар беради журналист Фабрицио Романо.
Манбага кўра, "Манчестер Юнайтед" келаси ҳафтада тўғридан-тўғри музокаралар ўтказиш жуда муҳим деб ҳисобламоқда, чунки 25 ёшли нидерландиялик учун янги таклиф кўриб чиқилмоқда.
Аввалроқ инглиз клуби "Барселона" футболчининг нархини пасайтириб юборишига умид қилаётгани ҳақида хабар берилганди.
Де Йонг ўтган мавсумда "Барселона" сафида 46 та ўйинда майдонга тушиб, 4 та гол урди ва 5 та голли узатмани амалга оширди. Футболчининг каталонияликлар билан амалдаги шартномаси 2026 йилнинг 30 июнига қадар тузилган.
