Зинедин Зидан "ПСЖ" бош мураббийи этиб тайинланишига яқин эди.
RMC Sport хабарига кўра, шу ёзда мураббий ва клуб ўртасида музокаралар олиб борилган. Қайсидир пайт томонлар келишувга шу қадар яқин бўлишдики, "ПСЖ" Зиданнинг тайинланиши ҳақида расмий хабар тайёрлай бошлади.
Мураббий яқинда парижликлар билан ишлашдан бош тортди. У Франция терма жамоасини бошқариш имкониятини кутишга қарор қилди. Дидье Дешамнинг шартномаси ЖЧ-2022 якунига қадар амал қилади ва у узайтирилмаган. Зинедин терма жамоа билан ишлаш имкониятини қўлдан бой беришни истамаяпти.
Келажакда Зидан "ПСЖ"ни бошқариши мумкин. Аммо ҳозир мураббий вақт ҳали келмаганига ишонмоқда.
Зидан Франция футбол федерациясидан миллий терма жамоанинг янги бош мураббийи бўлиши учун кафолат олганми ёки йўқми, номаълум. Шунга қарамай, у Франция терма жамоасидаги бўш ўринни кутишга қарор қилди.
