"Шахтёр" ҳужумчиси Давид Нерес "Бенфика"га ўтди. У Португалия клуби билан 2027 йилгача мўлжалланган шартнома имзолади, дея хабар беради жамоа сайти.
ОАВ хабарига кўра, келишув 15 миллион еврони ташкил қилган.
Нерес 2022 йилнинг январида "Аякс"дан "Шахтёр"га ўтганди, бироқ украина клуби сафида бирорта ҳам ўйин ўтказмади.
"Аякс" учун 2021/22 йилги мавсумда вингер 22 та ўйинда майдонга тушиб, 4 та гол ва 2 та голли узатмани амалга оширди.