"Shaxtyor" hujumchisi David Neres "Benfika"ga o‘tdi. U Portugaliya klubi bilan 2027 yilgacha mo‘ljallangan shartnoma imzoladi, deya xabar beradi jamoa sayti.
OAV xabariga ko‘ra, kelishuv 15 million yevroni tashkil qilgan.
Neres 2022 yilning yanvarida "Ayaks"dan "Shaxtyor"ga o‘tgandi, biroq ukraina klubi safida birorta ham o‘yin o‘tkazmadi.
"Ayaks" uchun 2021/22 yilgi mavsumda vinger 22 ta o‘yinda maydonga tushib, 4 ta gol va 2 ta golli uzatmani amalga oshirdi.