"Эвертон" ҳужумчиси Ришарлисон ёзги трансфер ойнасида "Челси"га ўтиши мумкин, дея хабар беради Liverpool Echo.
“Кўклар” 25 ёшли бразилиялик футболчи учун “Тоттенхэм” ва “Арсенал”га қарши курашишга тайёр.
Ришарлисон 2018 йилдан буён "Эвертон" шарафини ҳимоя қилиб келмоқда. Айни дамда бразилияликнинг трансфер қиймати transfermarkt маълумотларига кўра, 48 миллион еврони ташкил қилмоқда.
Жорий мавсумда у барча мусобақаларда 32 та ўйинда 10 та гол урди ва 5 та голли узатмани амалга оширди. Ҳужумчининг клуб билан шартномаси 2024 йилнинг 30 июнига қадар амал қилади.
