"Everton" hujumchisi Risharlison yozgi transfer oynasida "Chelsi"ga o‘tishi mumkin, deya xabar beradi Liverpool Echo.
“Ko‘klar” 25 yoshli braziliyalik futbolchi uchun “Tottenxem” va “Arsenal”ga qarshi kurashishga tayyor.
Risharlison 2018 yildan buyon "Everton" sharafini himoya qilib kelmoqda. Ayni damda braziliyalikning transfer qiymati transfermarkt ma’lumotlariga ko‘ra, 48 million yevroni tashkil qilmoqda.
Joriy mavsumda u barcha musobaqalarda 32 ta o‘yinda 10 ta gol urdi va 5 ta golli uzatmani amalga oshirdi. Hujumchining klub bilan shartnomasi 2024 yilning 30 iyuniga qadar amal qiladi.