"Торино" ҳимоячиси Глэйсон Бремер "Интер"га ўтишга яқин турибди. La Gazette Dello Sport хабарига кўра, клуб раҳбарлари шу ҳафта футболчининг трансферини яна муҳокама қилиш учун учрашадилар.
Аввалроқ 25 ёшли бразилиялик футболчига "Интер"дан ташқари "Тоттенхэм" ва "Милан" клублари ҳам қизиқиш билдираётгани ҳақида хабар берилганди.
2021/22 йилги мавсум якунида Бремер А сериянинг энг яхши ҳимоячиси деб топилди.
Ўтган мавсумда футболчи Италия чемпионатида 33 та ўйинда майдонга тушиб, 3 та гол урди ва 1 та голли узатмани амалга оширди.
Унинг "Торино" билан шартномаси 2024 йилнинг июнигача амал қилади. Transfermarkt томонидан Бремер 35 миллион еврога баҳоланган.
