Италиянинг "Наполи" клуби ҳужумчиси Эсикель Лавесси келаси мавсумни Франциянинг "ПСЖ" клубида бошлаши деярли аниқ бўлди.
Иккала томон ҳам футболчининг трансфери борасида келишувга эришган, дея хабар бермоқда L’Equipe.
Ушбу нашрнинг хабар беришича, футболчининг трансфери парижликларга 26 миллион еврога тушган.
Маълумот ўрнида айтиш жоизки, аргентиналик ҳужумчи учун Маҳачқалъанинг "Анжи" клуби ҳам жиддий равишда қизиқиш билдираётган эди. Улар Лавессига 19 миллион евро таклиф қилишган, футболчининг ўзи ҳам Россияга кўчиб ўтишга қарши эмас эди. Аммо сўнгги паллада футболчининг агенти Алехандро Маццони ПСЖ вакилларининг таклифини қабул қилишни футболчига маслаҳат берган. Сабаби, Париж клуби футболчи учун 26 миллмион евро ҳамда Париждан уй олиб беришга рози бўлишган.
Келаси ҳафта футболчи Парижга тиббий кўрикдан ўтиш ва трансфер шартномаларига қўл қўйиш учун ташриф буюриши кутилмоқда.