"Аякс" "Бавария" ҳужумчиси Жошуа Зиркзени Нидерландияга қайтаришни режалаштирмоқда.

Fichajes портали маълумотига кўра, "Аякс" 21 ёшли футболчини "Андерлехт"даги ижара муддати тугаганидан кейин шу ёзда сотиб олмоқчи.

Олдинроқ нидерландиялик футболчи "Бавария"га қайтишдан фойда йўқлигини айтганди.

Ўтган мавсумда Зиркзее “Андерлехт” сафида 38 та ўйинда майдонга тушиб, 15 та гол урди ва 9 та голли узатмани амалга оширди. Ижара шартномаси 2022 йил июн ойи охиригача амал қилади.

Форвард 2019 йилда немис клубига ўтган эди. Бу вақт ичида у 17 та учрашувда иштирок этиб, 4 та гол урди ва битта голли узатмани амалга оширди.