Португалиянинг Record нашри бир ўқувчининг хатини эълон қилди, унда ёзилишича, Португалия термаси ва "Реал" ҳужумчиси Криштиану Роналду унинг қизига дастхат беришни ҳохламаган экан.
Хат муаллифининг ёзишича, унинг 10 ёшли қизи Португалия терма жамоасининг машғулотидан сўнг Роналдунинг олдига дастхат илинжида борган. Роналду қизчанинг эгнида "Барса" формаси бўлгани учун унга дастхат беришни истамаган.
"Биз бу футболкани Барселонада бўлган чоғимизда сотиб олган эдик. Агар Мадридда бўлганимизда эди, "Реал" футболкасини сотиб олган бўлар эдик.
Мен учун 10 ёшли миллий терма жамоа мухлисасининг кўзларидаги хижолатни кўриш жуда оғир эди. Нима бўлганини тушуна олмаяпман", - деб ёзилади хатда.
