А Серия дебютанти "Монца" клуби хўжайини Сильвио Берлускони жамоасининг юқори дивизионга чиқиш борасидаги ҳис-туйғулари ҳақида гапирди. Эслатиб ўтамиз, клуб ўз тарихида биринчи марта Италия А Сериясида ўйнайди.

"Милан"даги муваффақиятим туфайли мен ҳали ҳам дунёнинг энг муваффақиятли инсониман. Бу жамоа билан мен ҳамма нарсада ғалаба қозондим, аммо "Монца" билан плей-офф ўйинларидан кейинги ҳиссиётлар мен учун "Милан" билан эришилган барча муваффақиятлардан кўра ёқимлироқ бўлди", - деди Берлускони Calciomercato билан суҳбатда.

Эслатиб ўтамиз, ушбу трансфер ойнасида "Монца" мавсум якунида эркин агентга айланган "Интер" ҳимоячиси Андреа Раноккия билан шартнома имзолаган эди. Мавсум оралиғининг қолган қисмида "Монца" бир қатор машҳур трансферларни амалга оширишни режалаштирмоқда.