"Ливерпуль" ҳужумчиси Муҳаммад Салоҳ ёзда АПЛни Ла Лигага алмашиши мумкин. The Sun нашри хабарига кўра, футболчига Мадриднинг "Реал" клуби қизиқиш билдирмоқда.

Нашрнинг ёзишича, “Бенфика” ҳужумчиси Дарвин Нуньес “Ливерпуль”га ўтганидан сўнг, “қизиллар” Салоҳни сотишга тайёр экани ва агар 70 миллион евролик таклиф бўлса, потенциал харидорларнинг таклифини қабул қилишга қарор қилган.

Футболчи ўтган мавсумда “Ливерпуль” сафида барча турнирлар доирасида 51 та ўйинда майдонга тушиб, 31 та гол урди ва 15 та голли узатмани амалга оширди. Ҳужумчининг инглиз клуби билан шартномаси 2023 йилнинг 30 июнига қадар мўлжалланган.

22 июн куни мерсисайдликларни яна бир ҳужумчиси Садио Манени тарк этди, у фаолиятини “Бавария”да давом эттиради.