“Интер” ва Аргентина терма жамоасининг собиқ футболчиси Диего Милито “Ювентус”нинг собиқ ҳужумчиси, ҳозирда эркин агент мақомида бўлган Пауло Дибалани Милан шаҳри клубида порлаши мумкинлигини айтиб ўтди.

“Кўрамиз, “Интер” Пауло Дибалани сотиб оладими? У ҳамма учун фойдали бўлиши мумкин бўлган ўйинчи. Имконият бўлса, шартнома имзоланиши керак. Пауло аллақачон яхши ўйинчилар билан таъминланган клубнинг қимматли футболчиси бўла олади.

“Интер” – Пауло Дибала учун карьерасини тиклаш нуқтайи назаридан тўғри клуб ва у лигани ўзгартиришга мажбур бўлмасди. Дибала А Серияни яхши билади, узоқ вақт мослашишга тўғри келмайди. Жамоа ва мухлислар уни яхши кутиб олишган бўларди, шунингдек, унда қасос олиш истаги ҳал қилувчи бўларди”, – дейди Милито La Gazzetta dello Sport нашрига берган интервьюсида.