Sky Sports хабарига кўра, "Атлетико" "Селтик" ҳимоячиси Йосип Юрановичга қизиқиш билдирмоқда.
Манбанинг хабарига кўра, Мадрид клуби янги ўнг қанот ҳимоячисини сотиб олмоқчи, чунки Шиме Врсальконинг шартномаси якунланган ва Даниэл Васс келаси мавсумда 34 ёшга тўлади.
Юрановичнинг "Селтик" билан шартномаси 2026 йилнинг 31 майигача амал қилади. Transfermarkt портали футболчининг нархини 4 миллион еврога баҳоламоқда.
26 ёшли ҳимоячи ўтган мавсумда клуб сафида барча турнирлар доирасида 35 та ўйинда майдонга тушиб, 5 та гол урди ва 2 та голли узатмани амалга оширди.
