"Фиорентина" "Барселона"нинг франциялик ҳимоячиси Самуэль Умтитига қизиқиш билдирмоқда, деб хабар беради Mundo Deportivo.
Манбанинг хабарига кўра, Италия клуби ёзги трансфер ойнасида франциялик футболчи билан шартнома имзолаш вариантни кўриб чиқмоқда. "Бинафшаранглар" таркибида Умтити "Атлетико" қизиқаётган серб Никола Миленкович ўрнини эгаллаши мумкин.
28 ёшли Умтити ўтган мавсумда "Барселона" сафида бор-йўғи битта ўйинда майдонга тушди. Унинг клуб билан шартномаси 2026 йилнинг ёзига қадар мўлжалланган.