"Лос-Анжелес"нинг 33 ёшли ҳужумчиси Карлос Вела клуб билан шартномасини бир йилга узайтирди. Бу ҳақда МЛС клуби матбуот хизмати хабар берди.

"Мен кубок ютмасдан клубни тарк этишни хоҳламайман. Умид қиламанки, бу йил буни уддалай оламан”, - деди Вела.

Тахминан бир ҳафта олдин Вела агар клуб билан янги шартнома борасида келишмаса, "Лос-Анжелес"ни тарк этишга тайёрлигини маълум қилганди.

Аввалроқ жамоа машҳур уэльслик футболчи Гарет Бэйлнинг трансфери ҳақида эълон қилган эди. Июнь ойи ўрталарида жамоага Италиянинг афсонавий ҳимоячиси Жоржио Кьеллини ҳам келиб қўшилди.

Вела АҚШ футболи тарихидаги энг муваффақиятли футболчилардан бири саналади. У "Лос-Анжелес" таркибида МЛСда 116 та ўйинда майдонга тушиб, 73 та гол урди ва 33 та голли узатмани амалга оширди.