Superdeporte хабарига кўра, "Валенсия" ҳужумчиси Макси Гомес "Атлетико"га ўтиши мумкин.
"Валенсия" хўжайини Петер Лим жорий трансфер ойнасида уругвайлик ҳужумчини сотмоқчи.
Мадриднинг “Атлетико” клуби бош мураббийи Диего Симеоне Макси Гомесни захира ҳужумчиси сифатида сотиб олмоқчи. Футболчининг "Валенсия" билан шартномаси яна икки мавсумга амал қилади.
25 ёшли форвард ўтган мавсумда барча турнирларда 32 та ўйинда майдонга тушиб, 5 та гол урди ва 3 та голли узатмани амалга оширди.
"Валенсия" Испания чемпионатининг 38-туридан кейин 48 очко билан 9-ўринни эгаллади.
