"Саутгемптон" яқин вақт ичида "Манчестер Сити"нинг ёш ярим ҳимоячиси Ромео Лавиани трансфер қилишга ҳаракат қилмоқда. Журналист Сем Ли берган маълумотларга кўра, "шаҳарликлар" трансфер шартлари бўйича "авлиёлар" билан келишиб олган.
Лавиа ҳали “Манчестер Сити” сафида дебют қилганича йўқ. Футболчи "Саутгемптон" бош мураббийи Ральф Хазенхюттлга жуда ёқади, шу сабабли немис "авлиёлар" раҳбариятидан унга иқтидорли ярим ҳимоячи сотиб олишни сўради.
"Манчестер Сити" Лавиaнинг трансферига биринчи навбатдаги сотиб олиш вариантини киритиш ниятида, унинг суммаси ҳозирча номаълум.
